# de Spectaculis 10

Martial, de Spectaculis, Poem 10. Latin.

Canonical: https://interlinea.aeterna-institute.org/library/latin/martial/de-spectaculis/10

Laeserat ingrato leo perfidus ore magistrum,
ausus tam notas contemerare manus,
sed dignas tanto persoluit crimine poenas,
et qui non tulerat uerbera, tela tulit.
Quos decet esse hominum tali sub principe mores,
qui iubet ingenium mitius esse feris!

---

Martial, de Spectaculis. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.
License: Used with permission (https://www.thelatinlibrary.com/about.html). Source: https://www.thelatinlibrary.com/martial/mart.spec.shtml.