# Epigrammata 1.2

Martial, Epigrammata, Poem 1.2. Latin.

Canonical: https://interlinea.aeterna-institute.org/library/latin/martial/epigrammata/1.2

Qui tecum cupis esse meos ubicumque libellos
Et comites longae quaeris habere viae,
Hos eme, quos artat brevibus membrana tabellis:
Scrinia da magnis, me manus una capit.
Ne tamen ignores ubi sim venalis, et erres
Urbe vagus tota, me duce certus eris:
Libertum docti Lucensis quaere Secundum
Limina post Pacis Palladiumque forum.

---

Martial, Epigrammata, ed. Wilhelm Heraeus, Jacobus Borovskij. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/PerseusDL/canonical-latinLit/blob/master/data/phi1294/phi002/phi1294.phi002.perseus-lat2.xml.