Latin
Poem 4.82
Martial, Epigrammata 4.82
Not analysed yet
Hos quoque commenda Venuleio, Rufe, libellos,
Inputet et nobis otia parva roga,
Immemor et paulum curarum operumque suorum
Non tetrica nugas exigat aure meas.
Sed nec post primum legat haec summumve trientem,
Sed sua cum medius proelia Bacchus amat.
Si nimis est legisse duos, tibi charta plicetur
Altera: divisum sic breve fiet opus.