Latin · ~1 min
Poem 7.99
Martial, Epigrammata 7.99
Not analysed yet
Sic placidum videas semper, Crispine, Tonantem,
Nec te Roma minus, quam tua Memphis amet:
Carmina Parrhasia si nostra legentur in aula
—Namque solent sacra Caesaris aure frui—,
Dicere de nobis, ut lector candidus, aude:
'Temporibus praestat non nihil iste tuis,
Nec Marso nimium minor est doctoque Catullo.'
Hoc satis est: ipsi cetera mando deo.