# Epigrammata 9.50

Martial, Epigrammata, Poem 9.50. Latin.

Canonical: https://interlinea.aeterna-institute.org/library/latin/martial/epigrammata/9.50

Ingenium mihi, Gaure, probas sic esse pusillum,
Carmina quod faciam, quae brevitate placent.
Confiteor. Sed tu bis senis grandia libris
Qui scribis Priami proelia, magnus homo es?
Nos facimus Bruti puerum, nos Langona vivum:
Tu magnus luteum, Gaure, Giganta facis.

---

Martial, Epigrammata, ed. Wilhelm Heraeus, Jacobus Borovskij. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/PerseusDL/canonical-latinLit/blob/master/data/phi1294/phi002/phi1294.phi002.perseus-lat2.xml.