Latin · ~1 min
Poem 9.58
Martial, Epigrammata 9.58
Not analysed yet
Nympha sacri regina lacus, cui grata Sabinus
Et mansura pio munere templa dedit,
Sic montana tuos semper colat Umbria fontes,
Nec tua Baianas Sassina malit aquas:
Excipe sollicitos placide, mea dona, libellos;
Tu fueris Musis Pegasis unda meis. —
'Nympharum templis quisquis sua carmina donat,
Quid fieri libris debeat, ipse monet.'