Latin
Poem 2.32
Martial, Epigrammaton Libri 2.32
Not analysed yet
Lis mihi cum Balbo est, tu Balbum offendere non uis,
Pontice. Cum Licino est: hic quoque magnus homo est.
Vexat saepe meum Patrobas confinis agelllum:
contra libertum Caesaris ire times.
Abnegat et retinet nostrum Laronia seruum:
respondes 'Orba est, diues, anus, uidua.'
Non bene, crede mihi, seruo seruitur amico:
sit liber, dominus qui uolet esse meus.