Latin
Poem 2.72
Martial, Epigrammaton Libri 2.72
Not analysed yet
Hesterna factum narratur, Postume, cena
quod nollem quis enim talia facta probet?
os tibi percisum quanto non ipse Latinus
uilia Panniculi percutit ora sono:
quodque magis mirum est, auctorem criminis huius
Caecilium tota rumor in urbe sonat.
Esse negas factum: uis hoc me credere? credo.
Quid quod habet testes, Postume, Caecilius?