Latin
Poem 6.59
Martial, Epigrammaton Libri 6.59
Not analysed yet
Et dolet et queritur sibi non contingere frigus
propter sescentas Baccara gausapinas,
optat et obscuras luces uentosque niuesque,
odit et hibernos, si tepuere, dies.
Quid fecere mali nostrae tibi, saeue, lacernae
tollere de scapulis quas leuis aura potest?
Quanto simplicius, quanto est humanius illud,
mense uel Augusto sumere gausapinas!