Latin
Poem 8.70
Martial, Epigrammaton Libri 8.70
Not analysed yet
Quanta quies placidi tantast facundia Neruae,
sed cohibet uires ingeniumque pudor.
Cum siccare sacram largo Permessida posset
ore, uerecundam maluit esse sitim,
Pieriam tenui frontem redimire corona
contentus, famae nec dare uela suae.
Sed tamen hunc nostri scit temporis esse Tibullum,
carmina qui docti nota Neronis habet.