Latin
624
Maximus Caesaraugustanus, Chronicon 624
Unproofread scanNot analysed yet
Hermenegildus Hispali dilapsus, et Cor- 586 dubae captus, Valentiae exsulat, sequente eum patre cum exercitu. Nec multo post Tarraconam mittitur, ubi arctissime carceris custodiae mancipatus, et ab Euphemio metropolitano Tarraconensi visitatus, in ipso Paschatis pervigilio, quod de manu Paschasii episcopi Toletani haeretici communionem noluisset accipere, jussu patris haeretici a Siberto protospathario perimitur, et martyr miraculis nobilitatur. Hunc Euphemius Tarraconensis et Catholici dolentes nocte consequenti vi sublatum in ecclesia sua moerentes sepelierunt. Ingundis ejus uxor perempto marito primum ad Africam, deinde ad Siciliam delata, erepto sibi filio Theoderico, et Constantinopolim allato, Panhormi moritur.