# Chronicon 628

Maximus Caesaraugustanus, Chronicon, 628. Latin.

Canonical: https://interlinea.aeterna-institute.org/library/latin/maximus-caesaraugustanus/chronicon/628
JSON: https://interlinea.aeterna-institute.org/api/v1/library/latin/maximus-caesaraugustanus/chronicon/628

Octavo Idus Maii synodus magna XXVII 590 episcoporum Hispaniae, Galliae et Galliciae, contrahitur Toleti in templo sanctae Mariae. Inter istos erant octo metropolitani, Massona Emeritensis, Euphemius Carpetanus, Leander Hispalensis, Nigecius Narbonensis, Nitigesius Lucensis per procuratorem Pantardum, Pantardus Bracarensis, Euphemius Tarraconensis, Dominicus Carthaginis Spartariae, Leandro concionem habente, et eodem cum Eutropio abbate Servitano rerum ad concilium pertinentium curam habente. Item interfuerunt rex Reccaredus, et regina Badda, et abbates Eutropius Servitanus, Exsuperantius Agal ensis, Aurantius sanctorum Cosmae et Damiani (qui postea fuerunt episcopi Toletani), Maximus abbas Caesaraugustanus sanctarum Mas arum, Emila sanctae Eulaliae Barcilonensis (qui AEra Caes An. Chr. postea fuit ejusdem urbis episcopus), Elias abbas sanctae Leocadiae Toleti ( postea episcopus Salmanticensis), Terechristus abbas sanctae Eulaliae Toleti (omnes isti ex ordine sancti Benedicti], item Fulgentius presbyter, Maximus Caesaraugustanus archidiaconus, Eugenius diaconus Toletanus, Isidorus diaconus Hispalensis, Joannes monachus Agaliensis abbas, postea Biclarensis. Ex palatinis vero Helladius illustrissimus aulae regis comes, et rerum publicarum comes, Fonsa comes patrimoniorum, et socer regis, Afrila comes spatharius, et procer.... (qui postea etiam fuit rex), Claudius comes limitaneus, et dux, Witericus comes stabuli...(et hic etiam rex), Argimundus comes cubiculi, Gusinus Flavius, Avila, Ataulphus, Liuva, Odoacer, Gudita comes Toleti, Ophilo comes Hispalis, Athaulphus comes Cordubae, ex quibus multi catholici. Habita est Synodus feria tertia, 8 die Maii, ipso die sancti Michaelis archangeli, qui postea sequentibus annis Gothis celeberrimus habitus est: Leander autem celebravit missarum solemnia. Et ibi post Evangelium haereris Ariana, quam privatim abjuraverant Gothi, publice, consensu regis, reginae, cleri, procuratorum, et plebium, abjuratur. Sedebant autem rex et regina in throno alto, ad dexteram episcopi, ordine suo, post episcopos presbyteri, stabant vero diaconi; ad sinistram Tero palatini omnes ordine supradicto.

---

Maximus Caesaraugustanus, Chronicon, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1390/tmp1390/tmp1390.tmp1390.opp-lat1.xml.
