# Octavius 21.11

Minucius Felix, Octavius, Chapter 21. Latin.

Canonical: https://interlinea.aeterna-institute.org/library/latin/minucius-felix/octavius/21.11

Ergo nec de mortuis dii, quoniam deus mori non potest, nec de natis, quoniam moritur omne quod nascitur: divinum autem id est, quod nec ortum habet nec occasum. Cur enim, si nati sunt, non hodieque nascuntur? Nisi forte iam Iuppiter senuit et partus in Iunone defecit et Minerva canuit antequam peperit. An ideo cessavit ista generatio, quoniam nulla huiusmodi fabulis praebetur adsensio?

---

Minucius Felix, Octavius, ed. Gerald H. Rendall, W.C.A. Kerr. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/PerseusDL/canonical-latinLit/blob/master/data/stoa0203/stoa001/stoa0203.stoa001.perseus-lat2.xml.