Latin
1
Miscellanea Carminum, Estas non apparuit 1
Not analysed yet
Aves nunc in silva canunt
et canendo dulce garriunt.
Iuno Iovem superat
amore maritali,
Mars a Vulcano capitur
re artificiali.
Aves nunc in silva canunt
et canendo dulce garriunt.
In exemplum Veneris
hec fabula proponitur,
Phebus Daphnem sequitur,
Europa tauro luditur.
Aves nunc in silva canunt
et canendo dulce garriunt.
Amor querit iuvenes
ut ludant cum virginibus,
Venus despicit senes,
qui inpleti sunt doloribus.
Aves nunc in silva canunt
et canendo dulce garriunt.