# Ipsa vivere mihi reddidit! 1

Miscellanea Carminum, Ipsa vivere mihi reddidit!, 1. Latin.

Canonical: https://interlinea.aeterna-institute.org/library/latin/miscellanea-carminum/ipsa-vivere-mihi-reddidit/1

Desiderio nimis officit,
dum vix gaudio pectus sufficit,
quod concipio
dum Venerio Flora reficit
me colloquio,
dum, quem haurio, favus allicit
dato basio.
Sepe refero cursum liberum
sinu teneto: sic me superum
addens numero.
Cunctis impero, felix iterum
si tetigero
quem desidero, sinum tenerum
tactu libero.

---

Miscellanea Carminum, Ipsa vivere mihi reddidit!. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.
License: Used with permission (https://www.thelatinlibrary.com/about.html). Source: https://www.thelatinlibrary.com/ipsavivere.html.