Latin
1
Miscellanea Carminum, Musa venit carmine 1
Not analysed yet
Musa venit carmine,
dulci modulamine:
pariter cantemus,
ecce virent omnia,
prata, rus et nemus,
mane garrit alaudula,
lupilulat cornicula,
iubente natura
philomena queritur
antiqua de iactura.
Hirundo iam finsat,
cignus dulce trinsat
memorando fata,
cuculat et cuculus
per nemora vernata.
Pulchre canunt volucres.
nitet terre facies
vario colore,
et in partum solvitur
redolens odore.
Late pandit tilia,
frondes, ramos, folia,
thymus est sub ea,
viridi cum gramine,
in quo fit chorea.
Patet et in gramine
iocundo rivus murmure.
locus est festivus,
ventus cum temperie
susurrat tempestivus. Medieval Latin The Latin Library The Classics Homepage