Latin
VIRGINALIS SANCTA FREQUENTIA
Miscellanea Carminum, Virginalis sancta frequentia 2.1
Not analysed yet
Virginalis sancta frequentia
Hinc virginalis sancta frequentia,
Gertrudis, Agnes, Prisca, Cecilia,
Lucia, Petronilla, Tecla,
Agatha, Barbara, Juliana,
Multeque quarum nomina non lego.
aut lecta nunc his addere negligo,
dignas Deo quas fecit esse
integritas anime fidesque.
Tali magistra vel duce praevia
abominantes terrea gaudia,
in carne praeter carnis usum
angelicam tenuere vitam.
He pervagantes prata recentia
pro velle querunt serta decentia,
rosas legentes passionis
lilia vel violas amoris.