Latin
PROP. IV. THEOR. III
Newton, Optice 110
Unproofread scanNot analysed yet
Similiter, si ad Lumen homogeneum cujusvis Coloris, adjiciatur album Solis Lumen, quod est ex omnibus Radiorum generibus Compositum; utique Color iste non continuo evanescet aut Genus suum immutabit, sed duntaxat dilutior fiet; &pro eo ut Luminis albi amplior adferatur accessio, magis adhuc magisque dilutus erit factus perpetuo. Denique, si Rubeus &Violaceus inter se permisceantur: orientur inde varii Colores Purpurei, pro eo, qua proportione illi invicem commixti fuerint, diversi inter se neque ullius Coloris Homogenei Speciem aut Similitudinem habentes: Atque ex his quidem Purpureis, admixto Flavo &Caeruleo, alii itidem novi Colores produci poterunt.