Latin
PROP. V. THEOR. IV
Newton, Optice 111
Unproofread scanNot analysed yet
Charta propius ad unum aliquem Imaginis Colorem, quam ad caeteros admota esset; tum eam illo colore, ad quem propius admota esset, infectam apparere: quum autem aequali aut fere aequali intervallo ab omnibus Coloribus distaret, adeo ut ex aequo omnium Lumine reflexo illuminaretur; tum albam apparere. In hac ultima autem Chartae positione, si Colorum aliqui interciperentur, Charta Albitudinem suam continuo amisit, &eum deinceps Colorem induebat, qui esset reliqui Luminis non intercepti Color. Itaque Charta ea illuminata erat Radiis variorum Colorum, nempe rubeis, flavis, viridibus, caeruleis &violaceis; &unaquaeque Luminis istius pars suum Colorem retinebat, donec in Chartam incideret indeque ad oculum reflecteretur: adeo ut siquod Lumen unius certi Coloris vel solum fuisset, (intercepto nimirum reliquo Lumine,) vel si nimia portione reliquis coloribus admixtum fuisset, &proinde in Lumine a Charta reflexo praevaluisset ac dominatum esset; utique id suo Colore Chartam infecturum fuisset: Nihilominus fingulae Luminis partes, suum quaeque Colorem ita retinentes, admixtae tamen reliquis omnibus Coloribus apta proportione, effecerunt ut Charta alba videretur; &consequenter apta sui Compositione atque Permixtione inter se, Colorem Album constituebant. Singulas colorati Luminis ab Imagine reflexi partes, dum inde per Aerem propagantur, suum quamque, ut dixi, proprium Colorem retinere, sane manifestum est; quia ubicunque in Oculos Spectatoris incidunt, partes Imaginis suo quamque Colore distinctas exhibent. Retinent igitur suos singulae colores, etiam cum in Chartam V incidunt; &consequenter perfecta permixtione suorum omnium Colorum, Albitudinem constituunt Luminis a Charta reflexi. EX PER. X. Incidat jam colorata illa Solis Imago PT in Lentem MN, amplius quatuor Uncias latam, &circiter sex Pedum intervallo a Prismate AB C distantem; quaeque ea