Latin
PROP. II. THEOR. II
Newton, Optice 28
Unproofread scanNot analysed yet
Jam si Radii, qui ad diversa rotundae Imaginis Y puncta tendunt, dilatati Refractione primi Prismatis ita diffunderentur, ut deinceps non in singulis lineis ad singula puncta proficiscerentur, sed singuli radii diffissi atque discussi, jam e radiis linearibus in totidem Superficies radiorum a puncto Refractionis divergentium, &in eadem cum Incidentiae &Refractionis Angulis planitie jacentium, commutati essent; adeo ut in istis planitiebus, ad totidem Lineas fere ab uno extremo Imaginis PT ad alterum protensas, singuli ferrentur; eaque Causa esset, quamobrem Imago oblonga fiat: Si haec, inquam, ita se haberent; Utique iidem Radii, eorumque singulae partes, ad diversa Imaginis PT puncta tendentes, iterum jam transversa Prismatis secundi Refractione dilatari deberent, atque in Latus diffundi; adeo ut Imaginem quadratam, qualis ad 4 depicta est, exhibituri essent. Quod ut melius atque facilius intelligatur; distingue Imaginem PT in quinque aequales partes, PQK, QKRL. LRSM, MSUN, NUT. Et qua irregularitate Lumen rotundum Y, refractione primi Prismatis dilatatum, producatur in Imaginem oblongam PT: eadem ratione Lumen POK, quod spatio tum Longitudine tum Latitudine simili plane, atque ipsum Y, continetur: refractione secundi Prismatis dilatari debebit, &in Imaginem oblongam πq kp produci: Lumen KQRL itidem, in imaginem oblongam kgrl; &Lumina ERSM, MSUN, NUT, in totidem alias imagines oblongas, Irsm, ms un, nut, producantur oportebit: Quae quidem omnes imagines oblongae, imaginem quadratam π conficerent. Atque haec quidem ita se haberent necessario; si singuli radii Refractione dilatati, in totidem triangulas radiorum a puncto Refractionis divergentium Superficies diffunderentur. Etenim secunda Refractione Radii in unam partem aeque diffunderentur necesse est, ac prima Refractione erant diffusi in alteram; eoque pacto Imago Refractione secunda in Latitudinem aeque dilataretur, ac prima dilatata erat in Longitudinem. Hocque idem omnino accidere deberet, siquo Casu fortuito radiorum alii magis, alii minus, refringerentur. Verum enimvero Res ipsa longe aliter se habet.