# Optice 3

Newton, Optice, ENUMERATIO. Latin.

Canonical: https://interlinea.aeterna-institute.org/library/latin/newton/optice/3
JSON: https://interlinea.aeterna-institute.org/api/v1/library/latin/newton/optice/3

Et quemadmodum partes teslineae cujusvis rectae inter Hyperbolam Conicam & duas ejus Asymptotos sunt hinc inde aequales: sic in Hyperbolis secundi generis si ducatur recta quaevis secans tam Curvam quam tres ejus Asymptotis in tribus punctis, summa duarum partium istius rectae quae a duobus quibusvis Asymptotis in eandem plagam ad duo puncta Curvae extenduntur, aequalis erit parti tertiae quae a tertia Asymptoto in plagam contrariam ad tertium Curvae punctum extenditur. Et quemadmodum in Conicis sectionibus non PaLatera resta rabolicis quadratum Ordinatim applicatae, hoc est, transversa. rectangulum Ordinatarum quae ad contrarias par tes Diametri ducuntur, est ad rectangulum partium Diametri quae ad Vertices Ellipseos vel Hyperbolae terminantur, ut data quaedam linea quae dicitur Latus rectum, ad partem diametri quae inter Vertices jacet & dicitur Latus transversum: sic in Curvis non Parabolicis secundi generis Parallelepipedum sub tribus Ordinatim applicatis est ad Parallelepipedum sub partibus Diametri ad Ordinatas & tres Vertices figurae abscissis, in ratione quadam data: in qua ratione si sumantur tres rectae ad tres partes diametri inter vertices figurae sitas, singulae ad singulas, tunc illae tres rectae dici possunt Latera recta figurae, & illae partes Diametri inter Vertices Latera transversa. Et sicut in Parabola Conica quae ad unam & eandem diametrum unicum tantum habet Verticem, rectangulum sub Ordinatis aequatur rectangulo sub parte Diametri quae ad Ordinatas & Verticem abscinditur & recta quaBb b quadam data quae Latus rectum dicitur, sic in Curvis secundi generis quae non nisi duos habent Vertices ad eandem Diametrum, Parallelepipedum sub Ordinatis tribus aequatur Parallelepipedo sub duabus partibus Diametri ad Ordinatas & Vertices illos duos abscissis, & recta quadam data quae proinde Latus rectum dici potest.

---

Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://zenodo.org/records/15040256.
