Latin
PROP. VII. THEOR. VI
Newton, Optice 71
Unproofread scanNot analysed yet
Imaginem istam Libro literis impresso excipiebam: Cumque Lentem supra memoratam, interjecto sex Pedum uniusque Unciae intervallo, collocassem; quo Literarum illuminatarum Imago, eodem iterum intervallo ex altera parte colligeretur; observabam Imaginem Literarum colore caeruleo illuminatarum, propius a Lente abesse, quam Literarum rubeo saturo illuminatarum, intervallo circiter Unciarum trium aut 34: Verum Literarum colore indico &violaceo illuminatarum Imago adeo confusa minimeque distincta videbatur, ut eae legi non possent. Quare Prisma inspiciens. comperiebam id Venulis ab una Vitri Extremitate ad alteram pertingentibus undique crispum esse; adeo ut Refractio nequaquam regularis esse potuerit. Aliud itaque Prisma, Venulis immune, accepi; &,Literarum loco, duas tresve lineas nigras inter se parallelas &Literarum ductibus paulo grandiores adhibebam: Quibus cum Colores ita superinjecissem, ut ab una Imaginis Extremitate ad alteram hae lineae per Colores ductae viderentur; observabam Focum ubi Color indicus, sive confinium indici &violacei, Linearum nigrarum Imagines maxime distinctas exhiberet, intervallo circiter Unciarum 4 aut 44 propius a Lente abesse, quam Focum ubi V FrIT DTN Ψτότ Color rubeus saturatissimus. Imagines earundem Linearum nigrarum maxime distinctas exhibebat. Color violaceus adeo debilis nubilusque fuit, ut in eo Linearum Imagines distincte discernere haud potuerim. Quare, cum Prisma, quo utebar, e vitro esset subviridi &minus pellucido; aliud adhuc Prisma accepi, quod esset e vitro admodum pellucido candidoque. Verum, hoc Prismate adhibito, longae jam albaeque Luminis debilioris radiationes se ex utraque imaginis Coloratae extremitate emittebant: Unde concludebam, necdum omnia recte esse comparata. Prisma igitur attentius inspiciens, duas tresve bullulas in vitro observabam, quibus Lumen irregulariter refringebatur.