# Optice 79

Newton, Optice, PROP. VII. THEOR. VI. Latin.

Canonical: https://interlinea.aeterna-institute.org/library/latin/newton/optice/79
JSON: https://interlinea.aeterna-institute.org/api/v1/library/latin/newton/optice/79

Si enim Vitrum Objectivum Telescopii sit Plano- convexum, & plana ipsius facies ad rem objectam obvertatur; diameter autem Sphaerae, cujus id Vitrum segmentum sit, appelletur D; item Semidiameter aperturae Vitri, vocetur S; & Sinus Incidentiae e Vitro in Aerem, sit ad Sinum Refractionis, ut I ad R: Radii qui incidunt Paralleli ad Axem Vitri, diffusi erunt, eo in loco ubi Objecti Imago distinctissima exhibetur, S cub. in parvum Circulum, cujus Diameter erit ξ * ῥτπ quamproxime; Ut quidem collegi, computando Errores Radiorum per Methodum Serierum infinitarum, & rejiciendo Terminos quorum Quantitates nullius essent momenti. Exempli gratia: Si Sinus Incidentiae I, sit ad Sinum Refractionis R, ut 20 ad 31; & D, Diameter Sphaerae ad quam convexa Vitri facies tornata est, sit 100 Pedum sive 1200 Unciarum; S autem, Semidiameter aperturae, sit duarum Unciarum: utique DiameRXS cub. ter parvi circuli ante dicti, (hoc est, τ) erit 1 N 11O N. I19 (sive σo06067) partes unius Unciae. Atqui Diameter alterius parvi circuli, per quem nimirum Radii inaequali sua Refrangibilitate diffusi sunt, erit circiter 55ta pars aperturae Vitri objectivi; quam quidem aperturam jam posuimus esse quatuor Unciarum. Ergo Error qui oritur a Sphaerica figura Vitri, ad Errorem qui oritur a diversa Radiorum Refrangibilitate, est ut 366000 ad 2 hoc est, ut 1 ad 8151. Quare cum Error ille adeo parvus sit in Comparationem, utique non est consideratione dignus. Verum hic quaeri potest; si Errores, qui ex diversa radiorum Refrangibilitate oriuntur, adeo sint ingentes; qui ergo fiat, ut res objectae per Conspicilla tubulata inspectae, tam distinctae appareant, quam eas revera apparere experimur. Respondeo, hoc ideo ita se habere, quia Radii errantes non uniformiter per totum id rotundum spatium diffusi sunt; sed in Centrum infinito, quam in aliam ullam circuli partem, densius collecti sunt; a Centro autem ad usque Circumferentiam rarescunt continuo, donec in ipsa tandem Circumferentia infinite rari evadunt; & propter raritatem istam minus fortes sunt, quam ut Sensu percipi possint, nisi in ipso Centro aut propius ab eo.

---

Newton (with Samuel Clarke), Optice. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://zenodo.org/records/15040256.
