# Fasti 3.877-884

Ovid, Fasti, Lines 3.877-3.884. Latin.

Canonical: https://interlinea.aeterna-institute.org/library/latin/ovid/fasti/3.877

Tres ubi Luciferos veniens praerniserit Eos,
tempora nocturnis aequa diurna feres.
Inde quater pastor saturos ubi clauserit haedos,
canuerint herbae rore recente quater,
Ianus adorandus cumque hoc Concordia mitis
et Romana Salus araque Pacis erit.
Luna regit mensis: huius quoque tempora mensis
finit Aventino Luna colenda iugo.

---

Ovid, Fasti, ed. Sir James George Frazer. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/PerseusDL/canonical-latinLit/blob/master/data/phi0959/phi007/phi0959.phi007.perseus-lat2.xml.