Latin · ~2 min · Elegiac couplet
Lines 6.801-6.812
Ovid, Fasti 6.801-812
Not analysed yet
sic ego. sic Clio: ‘clari monumenta Philippi
aspicis, unde trahit Marcia casta genus,
Marcia, sacrifico deductum nomen ab Anco,
in qua par facies nobilitate sua est.
nec quod laudamus formam, tu turpe putaris:
laudamus magnas hac quoque parte deas.
nupta fuit quondam matertera Caesaris illi.
o decus, o sacra femina digna domo!’
sic cecinit Clio, doctae assensere sorores;
annuit Alcides increpuitque lyram.