# Nux 175-182

Ovid, Nux, Lines 175-182. Latin.

Canonical: https://interlinea.aeterna-institute.org/library/latin/ovid/nux/175
JSON: https://interlinea.aeterna-institute.org/api/v1/library/latin/ovid/nux/175

Saepe meas uento frondes tremuisse putastis,
Sed metus in nobis causa tremoris erat.
Si merui uideorque nocens, excidite ferro
Nostraque fumosis urite membra focis,
[Si merui uideorque nocens, imponite flammae,
Et liceat miserae dedecus esse semel].
Si nec cur urar nec cur excidar habetis,
Parcite: sic coeptum perficiatis iter.

---

Ovid, Nux. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://www.mqdq.it/testo/testo/codice/OV%7Cnux_%7C001.
