Latin
Poem 13
Phaedrus, Appendix Perottina 13
Not analysed yet
Victorem forte gymnici certaminis
Iactantiorem Phryx cum uidisset sophus,
Interrogauit an plus aduersarius
Valuisset neruis. ille: "Ne istud dixeris;
Multo fuere uires maiores meae."
"Quod" inquit "ergo, stulte, meruisti decus,
Minus ualentem si uicisti fortior?
Ferendus esses, arte si te diceres
Superasse eum qui te esset melior uiribus."