# Fables 19

Phaedrus, Fables, Poem 19. Latin.

Canonical: https://interlinea.aeterna-institute.org/library/latin/phaedrus/fables/19
JSON: https://interlinea.aeterna-institute.org/api/v1/library/latin/phaedrus/fables/19
CTS URN: urn:cts:latinLit:phi0975.phi001.perseus-lat2:19

Equum ex quadriga multis palmis nobilem
Abegit quidam et in pistrinum vendidit.
Productus ad bibendum cum foret a molis,
In circum aequales ire conspexit suos,
Ut grata ludis redderent certamina.
Lacrimis obortis: Ite felices ait;
Celebrate sine me cursu sollemnem diem;
Ego quo scelesta furis attraxit manus,
Ibi sorte tristi fata deflebo mea.

---

Phaedrus, Fables, ed. Lucian Mueller. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/PerseusDL/canonical-latinLit/blob/master/data/phi0975/phi001/phi0975.phi001.perseus-lat2.xml.
