Latin · ~1 min
Poem 4.12
Phaedrus, Fables 4.12
Not analysed yet
Opes invisae merito sunt forti viro,
Quia dives arca veram laudem intercipit.
Caelo receptus propter virtutem Hercules
Cum gratulantes persalutasset deos,
Veniente Pluto, qui Fortunae est filius,
Avertit oculos. Causam quaesivit pater.
Odi inquit illum, quia malis amicus est
Simulque obiecto cuncta corrumpit lucro.