Latin · ~3 min
Act 1, lines 1.1.96-1.1.108
Plautus, Bacchides 1.1.96-108
Not analysed yet
tu facito opsonatum nobis sit opulentum opsonium.
Ego opsonabo, nam id flagitium meum sit, mea te gratia
et operam dare mi ét ad eam operam facere sumptum de tuo.
At ego nolo dare te quicquam.
Sine.
Sino equidem, si lubet.
propera, amabo.
Prius hic adero quam te amare desinam. —
Bene me accipies advenientem, mea soror.
Quid ita, obsecro?
Quia piscatus meo quidem animo hic tibi hodie evenit bonus.
Meus ille quidemst. tibi nunc operam dabo de Mnesilocho, soror,
ut hic accipias potius aurum, quam hinc eas cum milite.
Cupio.
Dabitur opera. aqua calet: eamus hinc intro, ut laves.
nám uti navi vecta es, credo timida es.
Aliquantum, soror.
Sequere hac igitur me intro in lectum, ut sedes lassitudinem.