Latin
Act 2, lines 2.5.442b-2.5.474
Plautus, Miles Gloriosus 2.5.442b-474
Not analysed yet
Mala es.
Immo ecastor stulta multum, quae vobiscum fabuler.
abeo.
Abire non sinam te.
Mitte.
Manifestaria es.
non omitto.
At iam crepabunt mihi manus, malae tibi,
nisi me omittis.
Quid, malum, astas? quin tenes altrinsecus?
Nil moror negotiosum mi esse tergum. qui scio
an ista non sit Philocomasium átque alia eius similis sit?
Mittis me an non mittis?
Immo vi atque invitam ingratiis,
nisi voluntate ibis, rapiam te domum.
Hosticum hoc mihi
domicilium est, Athenis domus est Atticis; ego istam domum
neque moror neque vos qui hómines sitis novi neque scio.
Lege agito: te nusquam mittam, nisi das firmatam fidem,
te huc, si omisero, intro ituram.
Vi me cogis, quisquis es.
do fidem, si omittis, isto me intro ituram quo iubes.
Ecce omitto.
At ego abeo missa. —
Muliebri fecit fide.
Sceledre, manibus amisisti praedam. tám east quam potis
nostra erilis concubina. vin tu facere hoc strenue?
Quid faciam?
Ecfer mihi machaeram huc intus.
Quid facies ea?
Intro rumpam recta in aedis: quemque hic intus videro
cum Philocomasio osculantem, eum ego óbtruncabo extempulo.
Visanest ea esse?
Immo edepol plane east.
Sed quo modo
dissimulabat.
Abi, machaeram huc ecfer.
Iam faxo hic erit. —
Neque eques neque pedes profectost quisquam tanta audacia,
qui aeque faciat confidenter quicquam quam mulier facit.
ut utrubique orationem docte divisit suam,
ut sublinitur os custodi cauto, conservo meo.
nimis beat quod commeatus transtinet trans parietem.
Heus, Palaestrio, machaera nihil opust.
Quid iam, aut quid est?
Domi eccam erilem concubinam.
Quid, domi?
In lecto cubat.
Edepol ne tu tibi malam rem repperisti, ut praedicas.
Quid iam?
Quia hanc attingere ausus esausu's mulierem hinc ex proxumo.
Magis hercle metuo.
Sed numquam quisquam faciet quin soror
istaec sit gemina huius: eam pol tu osculantem hic videras.