Latin · ~3 min
Act 5
Plautus, Poenulus 5.6
Not analysed yet
Decipitur nemo, mea quidem sententia,
qui suis amicis narrat recte res suas;
nam omnibus amicis meis idem unum convenit,
ut me suspendam, ne addicar Agorastocli.
Leno, eamus in ius.
Opsecro te, Agorastocles,
suspendere ut me liceat.
In ius te voco.
Quid tibi mecum autem?
Quia hasce aio liberas
ingenuasque esse filias ambas meas;
eae súnt surruptae cum nutrice parvolae.
Iam pridem equidem istuc scivi, et miratus fui,
neminem venire qui istas adsereret manu.
Duplum pro furto mi opus est.
Sume hinc quid lubet.
Et mihi suppliciis multis.
Sume hinc quid lubet:
collo rem solvam iam omnibus, quasi baiolus.
ut sis apud me lignea in custodia.