5.39 to 5.40

39] Quae sequitur regio Mareotis Libya appellatur, Aegypto contermina. tenent Marmarides, Adyrmachidae, dein Mareotae. mensura a Catabathmo Paraetonium LXXXVI. in eo tractu intus Apis interest, nobilis religione Aegypti locus. ab eo Paraetonium LXX: D, inde Alexandriam CC. latitudo CLXVIIII est. Eratosthenes a Cyrenis Alexandriam terrestri itinere DXXV prodit. 40] Agrippa totius Africae a mari Atlantico cum inferiore Aegypto |XXX|: XXXX longitudinem, Polybius et Eratosthenes, diligentissimi existimati, ab oceano ad Carthaginem magnam |XI|, ab ea Canopum, Nili proximum ostium, |XVI|&middot LXXXVIII fecerunt, Isidorus a Tingi Canopum |XXXVI|: XCVII, Artemidorus XL M minus quam Isidorus.