Latin · Dactylic hexameter
Poem praef
Proba, Cento praef
Not analysed yet
Romulidum ductor, clari lux altera solis,
Eoa(==E+O+A+) qui regna regis moderamine iusto,
Spes orbis fratrisque decus: dignare Maronem
Mutatum in melius diuino agnoscere sensu,
Scribendum famulo qui iusseras. hic tibi mundi
Principium formamque poli hominemque creatum
Expediet limo, hic Christi proferet ortum,
Insidias regis, magorum(==MA+GORUM) praemia, doctos
Discipulos pelagique minas gressumque per aequor:
Hic fractum famulare iugum uitamque reductam
Vnius crucis auxilio reditumque sepultae
Mortis et ascensum pariter sua regna petentis.
Haec relegas seruesque diu tradasque minori
Arcadio, haec ille suo generi; haec tua semper
Accipiat doceatque suos augusta propago.