Latin · ~1 min
Lines 9.97-9.106
Prudentius, Liber Peristephanon 9.97-106
Not analysed yet
audit, crede, preces martyr prosperrimus omnes,
ratasque reddit quas videt probabiles.’
pareo, conplector tumulum, lacrimas quoque fundo,
altar tepescit ore, saxum pectore.
tunc arcana mei percenseo cuncta laboris,
tunc quod petebam, quod timebam murmuro,
et post terga domum dubia sub sorte relictam
et spem futuri forte nutantem boni.
audior, urbem adeo, dextris successibus utor:
domum revertor, Cassianum praedico.