Latin
3
Ps.-Proclus, Sphaera (Ps.-Proclus) 3
Unproofread scanNot analysed yet
Atque, ut de publico in omnes beneficio pauca commemorem, id mihi uidetur eiusmodi, ut haud scia quid potissimum mirer, aut laudem. Ingenium, an iudicium. Fiduciam an industriam. foelicitatem, an benignitatem. Non . n. potuisses neque sine summo ingenio mirum illud artificium ad imprimendas praesertim graecas literas excogitatum assequi. Neque sine acerrimo iudicio in deligendis authoribus, quorum impressa uolebas opera, idque contra Ciceronis censuram, Aristotelem Platoni aumponere. (In quo etiam ego tuae nimirum accedo sententiae, ut qui inter summos phons Aristotelem &Platonem tantum interesse arbi trer, quantum (pace omnium dixerim) inter πλυμαθῇ καὶ πλυμυνῆ.) Neque sine incredibili fiducia rem tantam praesertim in maximis difficultatibus temporum aggredi. Neque sine mira diligentia, inchoatam inter tot impe dimenta persequi. Denique quid uideri potest, aut foelicius quam posse, aut beni gnius quam uelle literatissimos quosque tuo demereri obsequio? Quocirca cum tuum istud tam late pateat munus amplissimum, ut orbem terrarum propemodum obstrixeris memoria beneficii sempiterna, Cumque praeterea huc accesserit tuum in nos, nos inquam diuisos toto orbe Britannos, priuatum munus, idemque cum ipso publico munere coniunctissimum, fa tear necesse est nos (si modo grati esse uolumus) non solum cum caeteris omnibus, sed etiam plus quam caeteros omnes tibi debere. Et quanquam maior est ma gnitudo beneficii tui, quam ut parem tibi pro eo gratiam referre possimus, nos tamen nunquam pudebit accepti, magis quae te poenitebit collati. quod ne fiat summopere curabimus. Noster item Linacrus nuntiauit mihi te re multo magis admirandam moliri, iamque statutum habere, ut libros sacros ueteris quidem testamenti trifariam, latine, graece &hebraice, Noui au tem bifariam graece &latine imprimas, Opus plane arduum &christia no uiro dignissimum. In quo, si modo perficere licebit, non modo caeteros omnes, qui unquam in hoc genere floruerunt, sed etiam te ipsum longo interuallo superabis. Age igitur mi Alde auspicare tandem opus quod cogitas, &quod iandiu parturis, aliquando parias. Non enim ad duci possum, ut credam, posse opus tam diuinum secundis carere succes sibus. Nam quod ad nos attinet, nihil plane praetermittemus, quod huic rei futurum adiumento uidebitur. De iis, quae tibi a nobis priuatim de bentur, noli laborare. Curauimus, ut prope diem satis tibi fiat. Vale. Ex Vrbe Londino. vi. Calen. Septembr.