# De Bello Africo 98

Pseudo-Caesar, De Bello Africo, 98. Latin.

Canonical: https://interlinea.aeterna-institute.org/library/latin/pseudo-caesar/de-bello-africo/98

His rebus gestis Idibus Iun. Uticae classem conscendit et post diem tertium Caralis in Sardiniam pervenit. Ibi Sulcitanos, quod Nasidium eiusque classem receperant copiisque iuverant. HS C multat et pro decumis octavas pendere iubet bonaque paucorum vendit et ante diem IIII Kal. Quint, navis conscendit et a Canalibus secundum terram provectus duodetricesimo die, ideo quod tempestatibus in portibus cohibebatur, ad urbem Romam venit.

---

Pseudo-Caesar, De Bello Africo, ed. A. G. Way. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/PerseusDL/canonical-latinLit/blob/master/data/phi0426/phi001/phi0426.phi001.perseus-lat1.xml.