# Hymnus tabaci 11

Raphael Thorius, Hymnus tabaci, RAPHAE. Latin.

Canonical: https://interlinea.aeterna-institute.org/library/latin/raphael-thorius/hymnus-tabaci/11
JSON: https://interlinea.aeterna-institute.org/api/v1/library/latin/raphael-thorius/hymnus-tabaci/11

RAM. THOR.
Et fulgere oculis, thyrsumque vibrare lacertis
Fortibus, absentesque laceßere vocibus hostes.
Attonitus monstro, non huc sine numine, amici
Appulimus, Silenus ait: nec dona Deorum
Despicite, ingenitas vires, nec nomina Bacchi,
Nec pudeat, certa salvos à morte fateri
Caelitus ostenso vitam debere Tabaco:
Advenisset enim languentibus integer hostis
Victa siti manus haec cecidisset victima ferro,
Tinctaque venisset victoria sanguine nullo,
Nunc veniat, validasque manus, animosque virile
Sentiat, &, si mens suadet, fera praelia tentet.
Sed rationis opus; superum nec munera caeco
Contemeranda usu, si quid sapit ista senectus
Viribus eximiis permistum in stirpe venenum
Delitet, in ventrem virides ne mittite succos,
Manaite nec folia ingestis confusa salivis:
Virus inest crudis: aestivo Sole recocta
Credibile est tutos praebere halatibus haustus
Nec ventri, at cerebro, (si tecta evolvere fas est
Pabula grata reor, subtilibus eruta fumis.
Quare agite, ô juvenes, tam digni muneris aptos
Ingenio, & rapidis extundite mentibus usus.
Dux ego vester ero; quid mens dictaverit, omnes
Accipite; arentes prolixa uredine frondes
Comminui manibus jubeo, cannaquo reponi,
Protinus educto radiis solaribus igne

---

Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://wiki.uibk.ac.at/noscemus/Hymnus_tabaci.
