Latin · Dactylic hexameter
RAPHAE
Raphael Thorius, Hymnus tabaci 19
Unproofread scanNot analysed yet
Atque hebetes subito restaurat acumine mentes.
Planta beata! decus terrarum, munus Olympit
Non tantum agricolis duro lassata labore
Membra levas, minuis victus absentis amorem,
Fundis &absque cibo sparsas in corpora vires,
Sed radium specimenque Dei sapientibus ipsis
Ingenium illustras, si quando aut multa tenebras
Colligit ingluvies cerebro, aut molimine longo
Intellectus hiat, rerum neque concipit umbras,
Conceptasve tenet, vel caeca oblivia regnant
Vt semel irrepsit blando lux indita fumo,
Aufugiunt nubes atrae, curaeque tenaces.
Vis micat in ventrix, dempto velut obice veli
Tota oculis animi patet ampli machina mundi,
Aeternae species Naturae ex ordine nexae
Succedunt, redeuntque suis simulacra figuris.
O quoties visus magna spectante corona
Orator populi cupidas dicturus ad aures
ontremuisse metu, docti sermonis acervos onfudisse locis, lingua &siluisse rigenti,
Quum memor ex tantis opibus sopita facultas
Nil daret in vocem, sed res &verba negaret,
Si modo vel micam generosa è stirpe vorasset
Fumanti tubulo, accenso seu lumine, sensim
Res reperisse suas, prendisse fugacia verba,
Thesaurosque animi populo exposuisse stupentit
Si duo praeterea Stagirae in pulvere docto