Latin · Dactylic hexameter
RAPHAE
Raphael Thorius, Hymnus tabaci 20-2
Unproofread scanNot analysed yet
Sin utrique placet nova de suffimine tela
Arripere, &calidam verbis producere pugnam:
Tum videas paribus momentis praelia saeva
Eventu dubio in multam crudescere noctem
Nec prius argutis discedere ab ictibus ambos,
Indefinitam abscindant quam taedia litem
Iudicis incerti, palmae cui praemia donet.
Sic quondam Iliaco bello par nobile fratrum
Asclepij sanguis Podalyrius atque Machaon
Fertur ab Atride indictum certamen amicis
Suscepiße odijs plantae de laudibus Indae.
Damnabat Senior linguâ tenus intus amatam,
Dissimulans veros sermonis acumine sensus