Latin · Dactylic hexameter
LIBER SECVNDVS
Raphael Thorius, Hymnus tabaci 22-2
Unproofread scanNot analysed yet
Dum calet ingenium, dum sensibus integra vivis
Versantur simulacra, fidem exolvamus amicis,
Odimus immemores; Mundum nec pascere fumo
Aggredimur, vanos aut ampullare per orsus:
Instat segnicies, &Phoebo in visa senectus
Tristibus impallens curis divortia Cirrhae
Mandat, &extremum Musis offerre laborem.
Dicite Pierides, domitis quae gesserit Indis
Liber, ut immanes populos moderamine legum
Mollierit placidus, quernosque ligonibus enses,
Et truculenta levi mutarit fercla Tabaco,
Vt mores, geniumque pater Silenus amaenae
Stirpis, &innumeros ludens evolverit usus:
Forsitan haec qui vos bifido de monte per aequor
Transtulit auratam Boreae regnator in aulam,
Audiet, &,tanto si non indigna parente
Funditis, innatum quanquam a versatur odorem;
Vestris perfusum violis, animaque suavi
Inter pulvillos variata mente reponet.
Vt sedit solio Victor, non tristibus armis
Saevijt in vitam vel opes, nec durus abactis