Latin · Dactylic hexameter
LIBER SECVNDVS
Raphael Thorius, Hymnus tabaci 24
Unproofread scanNot analysed yet
Haerebat socijs, &clam post terga subibat
Olim gratus aper, casu sed surdus iniquo
Non adeo, ut solitus, suavis comes, atque facetus,
Iussus abire manu, invitus sub tecta redivit.
Regulus Haematoes, quo non truculentior alter
Vicinos capere, &captos prandere, tenebat
Non procul imperium vastis inclusus in antris,
Turpis ubi laniena fuit; juvenumque senumque
Corpora vincta jacent stabulis, pinguique polentâ
Ingratam cumulant in gaudia dira saginam:
Huc canibus, jaculisque plagisque sequentibus omne
Cornicinum sonitu &mistis latratibus agmen
Vertit iter, nec longe aberat domus atra Tyranni,
Qualem Dis habitat: primo venientibus antri
Os immane patet; congestis ossibus albet
Limen, &affixis apparent culmina tectis,
Consitus ut scolymis horrescit edalibus hortus:
Quum capita in squamas longis crevere medullis.
Forte dies genialis erat, Lapithaeque repostis
Instruere altilibus convivia lauta parabant.
Agminis ad strepitum cavea caput exerit Heros
Mulleus, &virides exponit vertice plumas:
Mox refugit visis, venit alter, &alter, &antri
Interiora petunt, nec portam vecte parato
Claudere, nec miram meminere excludere gentem:
Dum tenet attonitos caecus timor, ilicet Idmon
Primus in ignotos audet penetrare recessus,
(um cane nasuto; sequitur mox caetera pubes