Latin · Dactylic hexameter
LIBER SECVNDVS
Raphael Thorius, Hymnus tabaci 25-2
Unproofread scanNot analysed yet
Venimus innocui, caedes nec caedibus istas
Vlcisci est animus; veniam donamus avitis
Ritibus, &placidos gerimus sine sanguine mores.
Si cruor est cordi, pugnandi &tanta libido,
Bella movete feris, armento arcete leones:
Parcite vicinis, turpes nec ventribus escas
Indite, nec foedis postes ornate trophaeis.
Non est illa lupis rabies: non tigride tigris
Pascitur, irato nec fit leo caena leoni:
Tollite ferales epulas, &condite terra
Tristes relliquias, dapibusque fruamur honestis.