# Hymnus tabaci 3

Raphael Thorius, Hymnus tabaci, 3. Latin.

Canonical: https://interlinea.aeterna-institute.org/library/latin/raphael-thorius/hymnus-tabaci/3
JSON: https://interlinea.aeterna-institute.org/api/v1/library/latin/raphael-thorius/hymnus-tabaci/3

Argumentum quidem leve ac ludicrum videtur, verum quod à tali Medico tractatum, non delectat modo sed & docet. Nisi si quis viro summo Fracastorio Siphyliden objicere audet, qui ex argumento prope infami famam sibi peperit: & talem quidem, qualem nec ex arte Medicâ, si eruditis fides hic habenda. nisi quod & ex eadem arte illud, cum qua felicissime poësin junxit. Paeti originem acceptam Baccho ferri hic videbis. quam apposite, non possunt, nisi fallor, ignorare, qui Plerumque alternis admiscent pocula fumis.

---

Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://wiki.uibk.ac.at/noscemus/Hymnus_tabaci.
