# Hymnus tabaci 33

Raphael Thorius, Hymnus tabaci, LIBER SECVNDVS. Latin.

Canonical: https://interlinea.aeterna-institute.org/library/latin/raphael-thorius/hymnus-tabaci/33
JSON: https://interlinea.aeterna-institute.org/api/v1/library/latin/raphael-thorius/hymnus-tabaci/33

Oderunt alij natura, ut triste venenum,
Deficiuntque animo ad folij fumantis odorem,
Stulte alij damnant, novitas quia displicet omnis
Quod sine Paeto atavi meliores stirpe sequenti
Concessum à superis egere salubriter aevum.
Abstineant ambo: nec enim pugnare decorum est
Naturae, aut rectam invitis infundere mentem.
Si quis amat, sapienter amet, nec Simius alter
Consilio, & sine sine aliorum irrumpat in actus.
Sunt qui fumum ideo, ut potent tantummodo, potant,
VUrbanos inter ne non habeantur amoeni,
Prosit ne an noceat sibi sus deque ferentes:
Rusticus ille, malusque pudor: nam vel juvat haustus,

---

Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://wiki.uibk.ac.at/noscemus/Hymnus_tabaci.
