Latin · Dactylic hexameter
LIBER SECVNDVS
Raphael Thorius, Hymnus tabaci 40
Unproofread scanNot analysed yet
Tam facilis Divae Superis mirantibus iras
Subversos pedibus summo deturbat Olympo.
Sic lasciva Cypris insanijt: at love nata
Bellatrix, nemorum Virgo, Pindique sorores
Sparsas relliquias gremio legere, patremque
Thyrsigerum obnixè nova supplementa rogarunt
Subsidium &voto gratis retulere pudico.
Ingens opprobrium verò, si Cypridis aestum
Temperat, imperium menti, membrisque vigorem,
Virtutumque decus rarâ virtute tuetur:
Non extinguit enim nymphaeae aut cannabis instar
Naturae instinctum; sobolis nec munera tollit.
Fors numerum minuit; sed fraeno arctata Cupido
Quod demit numero, generis bonitate reponit.
Grande bonum, si vel tenuis fortuna parentum
Non premitur multâ prole, aut respublica gaudet
Fortibus &justis potius quam plebe frequenti.
Vtilis hinc adeo senibus, primaeque juventae,
Frugalesque cado in summo sibi praestat, &imo,
Dum celeres flammas, cineresque subinde tepentes
Aut sedat subitò, aut ut fusâ diluit undâ,
Stultitia facili canos, pubemque furore,
Indeque prognatâ solvens vertigine Mundum.
Ne despecta tamen vestris prorsum exulet hortis
O dominae in duris &habet sua commoda rebus.
Errantes uteros sursum trans septa ruentes,
Et tensum veluti ferientes ariete ventrem,