# Hymnus tabaci 49

Raphael Thorius, Hymnus tabaci, LIBER SECVNDVS. Latin.

Canonical: https://interlinea.aeterna-institute.org/library/latin/raphael-thorius/hymnus-tabaci/49
JSON: https://interlinea.aeterna-institute.org/api/v1/library/latin/raphael-thorius/hymnus-tabaci/49

Aut dolor impatiens, nutans aut debitor aeris
Cripiunt somnos oculis, animoque quietem,
Is faciles leni folio debere fatetur
Inducias, meritamque refert pro munere laudem:
Quotquot in adversum judex morosior aequo
Evomit ampullas, ventis mandamus, & undae;
Orco devoveat, mox sub ventanea furvi
Daemonis ova vocet, placando & idonea Diti,
Persephones mulsum, Furiarum thus & odorem,
Et de Cerbereâ germen lethale salivâ;
Ridemus titulos, & verba poëtica pleno
Gutture laudamus, similique reponimus arte.
Si quis amans veri nobis dissenserit, author
onsilij alterius, quod pectore claudit, in albo Scribat, & hos sensus rectâ ratione refellat.

---

Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://wiki.uibk.ac.at/noscemus/Hymnus_tabaci.
