# Hymnus tabaci 55

Raphael Thorius, Hymnus tabaci, IN EANDEM. Latin.

Canonical: https://interlinea.aeterna-institute.org/library/latin/raphael-thorius/hymnus-tabaci/55
JSON: https://interlinea.aeterna-institute.org/api/v1/library/latin/raphael-thorius/hymnus-tabaci/55

Post fumos nidore frui, meliore culina
Post lachrimas, avidaeque irritamenta salivae.
En ego me, THORI, convivam sisto, vel umbram
Qualemcumque vocas. juvat in tot fercula fundi,
Et faciem variare gulae. juvat esse lepores
Et lepores. juvat omne tuis condire meracis,
Brumalesque dies, niveas, te judice, noctes,
Noctibus & dubias confundere solibus umbras.
Tu modo livor ades, nec prandia disce Galeni
Semper faetida, nec puta Permesside semper
Pascier, aut solo vesci nidore Poëtam.
Hem! tales nec aquae pariunt, nec ἀδιπνία Brumas.
CONS
ANTER.

---

Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://wiki.uibk.ac.at/noscemus/Hymnus_tabaci.
