# Hymnus tabaci 59

Raphael Thorius, Hymnus tabaci, IN EIVSDEM. Latin.

Canonical: https://interlinea.aeterna-institute.org/library/latin/raphael-thorius/hymnus-tabaci/59
JSON: https://interlinea.aeterna-institute.org/api/v1/library/latin/raphael-thorius/hymnus-tabaci/59

Accusate; gelu effecit, non sordidus hospes.
Hic genius Galli, nec frigora ferre, nec aestum
Mobilitate potest: da succum vitis Iberae;
Solstitium, & brumam, longos & despicit annos.
Imperiosus at est; ridentem admissus amicum
Suppeditat, summa petulans dominatur in arce,
Et miscet tragicos hirci de lacte tumultus.
Huc ades ô pincerna: viden illum rubicundis
Naribus, in laevam pendet cui pileus aurem,
Irato & similis clamosius intonat? illi
Parcius affundas, & raro, & aquare memento.
O Socij, spinas verborum Academia tractet:
Nos animo curas evellimus: otia nobis
Coelitus ista fluunt: en delitiosa refundit
Dona parens Tellus; corrumpimus omnia fastu.
Parcite Chrysippo; Teiae locus aptior umbrae.
Nil fuit ingenio cerebroso in victius unquam.
Ferte dapes famuli, facit aspera praelia mensa
Longa hyberna fames, canibus rabiosa, lupisque:
Os solido offendens steriles dimittet elenchos.
Mittamus salebras, trivias & plana sequamur.
Aspicite, ô juvenes, ut tempora prima verentur
Postremas hyemes, ut in unum congerit annus
Divitias omnes, ventri quas donet avare,
Sic serere in canos mandat Natura juventae
Rem, famulos, sobolem, doctrinam, nomen, amicos;
Vt stans multiplici tibicine curva senectus
Mollius in dorsum letho sternente recumbat.
Rugis apta quies: hyemi domus optima: nulla
Machina me currum vel equum sustollat in altum,
fumento ut rigido accrescam, ceu milite saxeo

---

Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://wiki.uibk.ac.at/noscemus/Hymnus_tabaci.
