# Hymnus tabaci 60

Raphael Thorius, Hymnus tabaci, IN EIVSDEM. Latin.

Canonical: https://interlinea.aeterna-institute.org/library/latin/raphael-thorius/hymnus-tabaci/60
JSON: https://interlinea.aeterna-institute.org/api/v1/library/latin/raphael-thorius/hymnus-tabaci/60

Horrebant quondam statuis & equestribus Alpes;
Suaserit aut tali navem conscendere coelo.
Non si pontivagi invitet fortuna Draconis,
Spondeat aut reducem ex Indis abducere classem,
Mutus & anginâ haeredem me scribat Alector.
VVestphalus hybernos saxis petit & maledictis
Caupo viatores insano sidere tactos,
Cogitur, ut precibusque minisque exire grabato,
A socia & lecti fumanti surgere porca:
Cogit eos pariter nudo decumbere plaustro,
Vrsamque & plaustrum, & stellas numerare micantes:
Corculum in hoc sapiens, ad caetera fungus inanis.
Omnis in opposito est Batavi sapientia, ne quis
Rugosum Occiduo citius piper inferat Orbi.
Regna petit Boreae, vastis ubi noctibus errans
Naturam oppugnat trabibus, perque in via tundens
Claustra viam, aeterna glacie praecordia durat,
Marmoreum pelagus sicco pede calcat, in actam
Esurie advectus, ne vitam in nave relinquat,

---

Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://wiki.uibk.ac.at/noscemus/Hymnus_tabaci.
